ABŞ orta və daha qısa mənzilli raketləri yerləşdirməyə başlasa, Rusiya belə sistemlərin yerləşdirilməsi öhdəliklərini öz üzərindən atacaq.
Medianews.az xarici mediaya istinadən xəbər verir ki, bunu Rusiya prezidenti Vladimir Putin deyib.
ABŞ 5500 km-ə qədər atəş məsafəsinə malik raketləri irəli zonalarda yaradır və yerləşdirməyə hazırlaşır, eyni zamanda bu raket sistemlərinin Avropa və Asiya-Sakit Okean regionuna köçürülməsi və yerləşdirilməsi artıq işlənir.
Putin xatırladıb ki, bu hərəkətlər 1987-ci ildə ABŞ və SSRİ arasında imzalanmış Orta Mənzilli Nüvə Qüvvələr Müqaviləsi ilə qadağan edilib.
“Biz dəfələrlə bəyan etmişik ki, bu müqavilənin pozulması bütün qlobal təhlükəsizlik üçün mənfi nəticələrə gətirib çıxaracaq”, – o bildirib.
