Afrikada 2024-cü ilin ən yaxşı futbolçusu müəyyənləşib.
Fanat.Az xəbər verir ki, dekabrın 16-da Mərakeşin eyniadlı şəhərində "CAF Awards 2024"ün mükafatlandırma mərasimi keçirilib.
Səsvermənin nəticələrinə əsasən, İtaliyanın "Atalanta" klubunun və Nigeriya millisinin hücumçusu Ademila Lukman ilin ən yaxşı afrikalı futbolçusu elan edilib.
Lukman bu ad uğrunda mübarizədə Simon Andiqra "Brayton", Fil Dişi Sahili millisi), Seru Girassi (Dortmund "Borussiya"sı, Qvineya millisi), Əşrəf Hakimi (PSJ, Mərakeş millisi) və Ronven Uilyamsı ("Mamelodi Sandauns" CAR millisi) qabaqlayıb.
Qeyd edək ki, ötən mövsüm "Atalanta" forması ilə bütün turnirlərdə 45 matça çıxan Lukman 17 qol və 9 məhsuldar ötürmə ilə yadda qalıb. O, daha çox Avropa Liqasının son finalında - "Bayer Leverkuzen"i 3:0 hesabı ilə yendikləri matçda het-trik etməsi ilə diqqət mərkəzinə düşüb.
Nihat
