Avropa Futbol Assosiasiyaları İttifaqı (UEFA) rəsmi saytında, 2025-ci ildə UEFA Super Kubokunun keçiriləcəyi məkanı açıqlayıb.
Arena.az məlumat verir ki, 2025-ci ilin UEFA Super Kubokunun oyunu İtaliyanın “Udine” şəhərinin “Friuli” stadionunda baş tutacaq.
Bu arenada İtaliyanın “Udineze” klubu çıxış edir. Həmçinin bu stadionda gənclər komandaları arasında AÇ-2019-un final oyunu keçirilib.
UEFA Super Kuboku uğrunda yeganə oyunda ənənəvi olaraq Çempionlar Liqasının qalibi Avropa Liqasının qalibi ilə qarşılaşır.
UEFA Super Kubokunun ilk qalibi Niderland nəhəngi Amsterdam “Ayaks”ı olub. Kubokun cari qalibi isə “Atalanta”nı 2:0 hesabı ilə məğlub etmiş İspaniya nəhəngi Madrid “Real”ıdır.
