“Əl-Hilal”ın hücumçusu Neymar "İnter Mayami”yə keçmək istəyir.
“İki sahil” xəbər verir ki, bu barədə “Sky Sport” nəşri məlumat yayıb. Braziliyalı futbolçunun bununla bağlı komanda yoldaşları ilə söhbət etdiyi bildirilib.
Neymarın “Barselona”dan bir neçə keçmiş komanda yoldaşı - Lionel Messi, Luis Suares, Serxio Buskets və Jordi Alba Mayami klubunda oynayır.
Qeyd edək ki, 32 yaşlı hücumçunun Səudiyyə Ərəbistanı klubu ilə müqaviləsi gələn ilin iyununa qədərdir.
