Gəncədə dəhşətli HADİSƏ: Minaatan mərmisi partladı, şəhid atası həlak oldu

Gəncədə bədbəxt hadisə baş verib.

Paytaxt.org  APA-ya istinadən xəbər verir ki, hadisə şəhər ərazisində yerləşən fərdi yaşayış evində qeydə alınıb.

1974-cü il təvəllüdlü A.Tağıyevin yaşadığı evdə "OF 843" markalı minaatan mərmisi ilə ehtiyatsız davranması nəticəsində partlayış olub. Nəticədə 50 yaşlı kişi aldığı xəsarətlərdən hadisə yerində ölüb.

Məlumata görə, A.Tağıyev mərmini qoyun otaran zaman tapıb.

Hadisə yerinə polis əməkdaşları cəlb olunublar.

Unikal-ın məlumatına görə, hadisə nəticəsində həyatını itirən Asif Tağıyev Vətən müharibəsi şəhidi Eşqin Tağıyevin atasıdır.