Artıq yeni təqvimin, 2025-ci ilin ölkəmizə qədəm qoymasına sayılı günlər qalıb.
Bir çox insan ilin yaxşı keçməsi üçün müxtəlif rituallar edir.
Maraqlıdır, astrologiya 2025 üçün nə deyir?
Bu barədə Hit.az-a açıqlama verən astroloq Rəşad Hacıyev deyib ki, 2025-ci il ilan ilidir:
“İlan ilində zəncirlərimizi qırıb, azadlaşacağımız bir dövr başlayır. 2025-də bizə yük olan nələr varsa, hamısından qurtulacağıq və azadlığı dadacağıq. 2025 və 2026-ci illər çətin dövrlərin bitəcəyi, gözəl hadisələrin başlayacağı 2 ildir. Yeni ildə nəyi bitirə, qurtara bilmirdiksə, nələr bizi geridə tuturdusa, bunlardan azad olacağıq. 2025-ci il həm də iş, pul, kariyeraya yönələcəyimiz bir vacib dönəmdir. Bu dönəmdə iş həyatı materializm, daxili zövqlərlə qarışacaq və bəzən də zidlik təşkil edəcək. Bir tərəfimiz daha çox pul qazanmaq istəyib, işinə yönələcək. Digər tərəfimiz isə daha çox evdə zaman keçirib, öz daxili aləminə yönəlmək istəyəcək”.
Murad
