Suriyanın yeni hakimiyyəti qonşuları Türkiyə ilə strateji münasibətləri davam etdirmək niyyətindədir. Bu barədə Dəməşqdə hakimiyyətə gələn silahlı qrupların lideri, Əbu Məhəmməd əl-Culani ləqəbi ilə tanınan Əhməd əl-Şaraa “Yeni Şəfəq” qəzetinə verdiyi açıqlamada deyib.
"Bizim Türkiyə ilə strateji əlaqələrimiz olacaq. Türkiyənin yeni Suriya dövlətinin yaradılmasında bir çox prioritetləri var. Qarşılıqlı ticarət əlaqələri ən yüksək səviyyədə inkişaf etdiriləcək",-deyə o bəyan edib.
Əl-Şaraa 2011-ci ildən bəri qaçan suriyalıların yarısının vətənlərinə qayıdacağına ümid etdiyini bildirib. “Suriyalılar bir çox ölkədə sığınacaq tapdı, lakin onları ən çox Türkiyə qəbul etdi, digərlərindən daha çox onlara hörmətlə yanaşdı, ümid edirəm ki, Suriya bunu unutmayacaq”.
Türkiyə Daxili İşlər Nazirliyinin məlumatına görə, respublikada 4 milyondan bir qədər çox suriyalı qaçqın var. Türkiyə prezidenti Rəcəb Tayyib Ərdoğan daha əvvəl 1 milyona yaxın qaçqının Suriyaya qayıtmasını təmin etmək planlarını açıqlamışdı. Suriyada Bəşər Əsəd administrasiyasının süqutundan sonra suriyalılar Türkiyədən vətənlərinə qayıtmağa başlayıblar.
Oxuməni.az
