Avropa Şurasının (AŞ) baş katibi Alen Berset Gürcüstanın paytaxtı Tbilisiyə rəsmi səfər edib.
Bu barədə Gürcüstan Xarici İşlər Nazirliyinin mətbuat xidməti məlumat yayıb.
Berseni Tbilisi hava limanında Gürcüstanın xarici işlər nazirinin müavini Laşa Darsali qarşılayıb. AŞ-nın baş katibi Gürcüstanda yeni seçilmiş prezident Mixeil Kavelaşvili, baş nazir İrakli Kobaxidze, parlamentin spikeri Şalva Papuaşvili və xarici işlər naziri Maka Boçorişvili ilə görüşəcək. Səfər çərçivəsində Alen Berset sərhəd kəndinə də baş çəkəcək və mövcud vəziyyətlə bağlı məlumat alacaq.
Bildirilib ki, Avropa Şurası baş katibinin Gürcüstana rəsmi səfəri dekabrın 21-dək davam edəcək. Gürcüstan mətbuatı yazır ki, danışıqların əsas mövzusu respublikadakı siyasi vəziyyət olacaq.
//Gülnarə Abasova, Editor.az
