Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin İctimaiyyətlə əlaqələr şöbəsinin müdiri Elnur Niftəliyev ölkə başçısı tərəfindən təltif edilib.
Bu barədə Elnur Niftəliyev öz sosial media hesabında paylaşım edib.
“Cənab prezident İlham Əliyev tərəfindən kiçik əməyimizə növbəti dəfə böyük dəyər verildi. 2024-cü il noyabrın 11-22-də Bakı şəhərində keçirilmiş BMT-nin İqlim Dəyişmələri üzrə Çərçivə Konvensiyasının Tərəflər Konfransının növbəti 29-cu sessiyasında (#COP29) fəal iştirakımıza görə təltif edildik. ASAN ailəsinin üzvü olmaq yalnız vətəndaşlara xidmət, innovasiyaların tətbiqində iştirak deyil, ümumiyyətlə ölkə və dünya əhəmiyyətli tədbirlərin, layihələrin bir hissəsi olmaq, az da olsa zəhmətimizlə töhfə vermək imkanı yaradır. Bu imkanlara malik olduğumuza görə başda cənab prezident İlham Əliyev olmaqla rəhbərliyimizə, Dövlət Agentliyinin sədri Ülvi Mehdiyevə təşəkkür edir, ASAN ailəmizin hər bir üzvünü isə təbrik edirəm!
