2023-cü ilin yazından bəri Azərbaycanda çıxış edən Roderik Miller «Turan Tovuz»dan ayrılmaq üçün belə demək olarsa, çırpınır.
Cari mövsüms əla təsir bağışlayan, vurduğu qollarla komandasına bir neçə xal qazandıran müdafiəçi burada xoşbəxt deyil.
Panamalı legioner Tovuzu birdəfəlik tərk eləmək üçün cəhdlərinə ara vermir.
Şimali amerikalı paytaxtdan xeyli uzaq məsafədə yerləşən rayona tez-tez gedib-gəlməkdən, süni meydanda oynamaqdan yorulub. O, «Turan funksionerləri ilə görüşlərində bunu dəfələrlə dilə gətirib.
Azərbaycana gələnədək İraqda oynamış Millerə Səudiyyə Ərəbistanından real dəvət var. Yerli birinci liqanın 2-3 klubu ona «Turan»da qazandığından bir neçə dəfə artıq pul ödəməyə hazırdır.
Çox maraqlıdır ki, Panama yığmasının üzvünün özü öz xidmətini «Neftçi»yə təklif edib.
Miller müxtəlif şəxslər vasitəsilə paytaxt təmsilçisinintəmsilçiləri ilə əlaqə qurub, ağ-qara formanı geyinmək istədiyini söyləyib.
SPORTİNFO.AZ
