Avropa Gimnastikası (EG) həftənin mühüm hadisələrinin icmalını hazırlayıb.
İdman.biz xəbər verir ki, burada bəzi aparıcı idmançıların, o cümlədən uzun müddət Azərbaycan komandasının lideri olmuş Zöhrə Ağamirovanın karyerasını bitirməsi ilə bağlı xəbərlər xüsusi yer tutub.
EG-nin sosial şəbəkədə paylaşımında bildirilib ki, bədii gimnastika dünyasında emosional bir neçə gün olub: "Ötən həftə Boryana Kaleyn idmandan getdiyini açıqladı. Bu həftə Zöhrə Ağamirova təsdiqlədi ki, o da karyerasını bitirir”.
Qurum bədii gimnastika ilə bağlı digər hadisələr arasında Olimpiya çempionu Daria Varfolomeyevin Almaniyada “İlin idmançısı” nominasiyasında qalib gəlməsini də qeyd edib.
İdman.biz
