Olimpiya çempionu Taha Akgül Türkiyə Güləş Federasiyasının yeni prezidenti seçilib.
"Unikal" xəbər verir ki, 34 yaşlı veteran idmançı 288 səsdən 189-unu toplayıb.
Akgül digər namizədi - daha bir sabiq güləşçi Selçuk Çebini üstələyib. Qurumun əvvəlki prezidenti Şeref Eroğlu bu dəfə namizədliyini verməyib.
Qeyd edək ki, 2016-cı ildəki Yay Olimpiya Oyunlarında qızıl medal qazanan sərbəst güləşçi 3 qat dünya və 11 qat Avropa çempionudur.
