Kişi bacısı və qardaşı oğlunu yanına alaraq oğurluq ediblər.
Xezerxeber.az xəbər verir ki, Ucarda rabitə dirəklərindən kommunikasiya kabelləri oğurlayan qohumlar ifşa ediliblər. Rayon Polis Şöbəsinin əməkdaşlarının keçirdiyi əməliyyat-axtarış tədbirləri nəticəsində rəbitə dirəklərindən dəyəri 10 000 manata yaxın olan kabel oğurlamaqda şübhəli bilinən Vüsal Fərzəliyev, Nicat Cəfərov və Sənan Cəfərov saxlanılıblar.
Araşdırma zamanı həmin şəxslərin noyabr-dekabr ayları ərzində Ucar şəhəri və üç kəndi ərazisində olan rabitə dirəklərindən 2400 metrdən artıq kommunikasiya kabellərini kəsdikləri, tərkibində olan əlvan metalları metal qəbulu məntəqələrinə satdıqları və əldə etdikləri pulları öz aralarında böldükləri müəyyən edilib.
Faktla bağlı cinayət işi başlanıb.
Xezerxeber.az mövzu ilə bağlı daha ətraflı videomaterialı təqdim edir.
