Gəncədə yol-nəqliyyat hadisəsi baş verib. Manset.az APA-ya istinadən xəbər verir ki, hadisə şəhərin Poçt qəsəbəsində qeydə alınıb. Belə ki, 1985-ci il təvəllüdlü S.Hacıyev mopedlə hərəkətdə olarkən idarəetməni itirərək yol kənarındakı zibil qutusuna çırpılıb. Nəticədə mopedin sürücüsü 40 yaşlı S.Hacıyev ağır bədən xəsarətləri ilə xəstəxanaya yerləşdirilib. Onun vəziyyətinin orta ağır olduğu bildirilir. Faktla bağlı araşdırma aparılır.
