Papa I Fransisk İraqa səfəri zamanı ona qarşı sui-qəsd planının qarşısı alınıb. Bu barədə onun nəşr olunması gözlənilən avtobioqrafiyasında bildirilir.
Britaniya kəşfiyyatının verdiyi xəbərdən sonra sui-qəsd cəhdi önlənib.
Papa yazır ki, 2021-ci ilin martında Bağdada endikdən sonra çıxışı planlaşdırılan tədbirdə kamikadzelərin onu öldürməyi planlaşdırdıqları barədə məlumat alıblar.
“Cebheinfo.az” İtaliyanın “Corriere della Sera” qəzetinin yaydığı məlumatlar istinadən bildirir ki, hər iki hücumçu daha sonra tutulub və öldürülüb.
Öz tərcümeyi-halından çıxarışlarda Papa bildirib: “Demək olar ki, hamı mənə səfərə gtməməyi məsləhət görüb, lakin mən bunu etmək məcburiyyətində olduğumu hiss edirdim”.
Onun sözlərinə görə, sui-qəsd cəhdini Britaniya kəşfiyyatı aşkarlayıb və İraq polisini xəbərdar edib. Polis isə o, yerə enən kimi mühafizəçilərini xəbərdar edib.
Gənc kamikadze olan qadın Papanın ziyarəti zamanı özünü partlatmaq üçün Mosula gedirmiş.
Koronavirus pandemiyası zamanı üç gün ərzində reallaşan səfər Papanın İraqa ilk səfəri olub və intensiv təhlükəsizlik əməliyyatları ilə müşayiət olunub.
