Rusiya prezidenti Vladimir Putin ABŞ-ın keçmiş prezidenti Donald Tramp ilə dörd ildən çoxdur heç bir ünsiyyətinin olmadığını açıqlayıb.
Musavat.com xəbər verir ki, o deyib ki, yeni seçilmiş ABŞ prezidenti ilə dialoqa hər zaman hazırdır.
"Tramp ilə dörd ildən çoxdur danışmamışam. Amma istənilən vaxt dialoqa hazıram. Əgər o görüşmək istəyərsə, buna da hazıram," – deyə Rusiya lideri vurğulayıb.
Putin Rusiya və ABŞ arasında münasibətlərin hazırkı vəziyyətinə toxunmasa da, gələcəkdə iki ölkə liderləri arasında birbaşa dialoqun mümkünlüyünü istisna etməyib. Ekspertlər hesab edir ki, belə bir görüş ABŞ və Rusiya arasında diplomatik əlaqələrin yenidən qurulmasına təkan verə bilər.
Trampın gələcəkdə Rusiya ilə əlaqələrdə hansı addımları atacağı isə hələlik qeyri-müəyyən olaraq qalır. Bununla belə, Putin açıq şəkildə qarşı tərəfə dialoq üçün hazır olduğunu bəyan edib.
