İran prezidenti Məsud Pezeşkian Qahirədə keçirilən “İslam səkkizliyi” ölkələrinin birləşdiyi İqtisadi Əməkdaşlıq Təşkilatının (D-8) sammityində Yaxın Şərq hadisələrilə bağlı çıxış edib.
Modern.az xəbər verir ki, prezident Pezeşkian Qərbi bildirib ki, 14 aydan artıqdır ki, Qəzza və Cənubi Livan, indi isə Suriya İsrail rejiminin böyük hücumlarına məruz qalıb. .
Pezeşkiyan İsrailin dinc əhaliyə qarşı soyqırımına diqqət çəkərək deyib:
“Müharibədən zərər çəkmiş qadın, uşaq və digər insanların öldürülməsi İsrail rejimin qeyri-qanuni məqsədlərinin təhlükəsizliyin yayılmasında yeni ölçülərini ortaya qoydu”.
Pezeşkian çıxışına davam edərək vurğulayıb ki, İslam ölkələri birləşməli və İsrailin rejimin təcavüzünə qarşı durmalıdırlar.
"Ümid edirəm ki, Misirin D-8 Təşkilatına sədrliyi dövründə üzvlər arasında dostluq və qardaşlığın dərinləşəcəyinə və hərtərəfli əməkdaşlığın artırılması prosesində ciddi addımlar atılacağına şahid olacağıq".
Prezident Pezeşkian həmçinin vurğulayıb ki, İran D-8 müştərək ideya bankı və kapitalı, müştərək elm və texnologiya parkları yaratmağa, professor və tələbə mübadiləsinə, gənclərə sahibkarlıq təlimləri verməyə hazırdır.
