Səlahiyyət müddətim bitdikdən sonra Gürcüstanı tərk etmək niyyətində deyiləm.
Publika.az xəbər verir ki, bunu dekabrın 29-da səlahiyyət müddəti başa çatan Gürcüstan prezidenti Salome Zurabişvili belaruslu müxalifətçi Svetlana Tixanovskayanın təcrübəsinə istinad edərək deyib.
“Gürcüstanı tərk etmək məsələsi mənim üçün müzakirə olunmur. Mən burada qalıram. Mən Tixanovskaya və ya mühacirətdə olan Venesuela prezidenti, xaricdə tanınmağa başlayan Edmundo Qonzales kimi şəxsiyyət olmağa can atmıram. Saxarov mükafatının öz ölkəsindən kənarda verilməsinə dair nümunələri də bilirəm. Ancaq mən bunu qətiyyən istəmirəm”, - Zurabişvili Polşanın “TVP World” kanalına müsahibəsində gələcək planları ilə bağlı sualı belə cavablandırıb.
O, vətəndaşlara müraciət edərək, Gürcüstanın hazırkı hakimiyyətinə qarşı çıxmaqda onun səylərini dəstəkləməyə çağırıb və vəziyyət dəyişəndə belə dəstəyə ehtiyac olmayacağını vurğulayıb.
