"Vulverhempton" klubunun yeni baş məşqçisi bəlli olub.
90deqiqe.Az klubun mətbuat xidmətinə istinadən xəbər verir ki, "canavarlar"ın "sükanı" Vitor Pereyraya tapşırılıb.
56 yaşlı mütəxəssis "Vulverhempton"la 1 il yarımlıq müqavilə imzalayıb.
“Vulverhempton”a təyinatdan əvvəl Pereyra BƏƏ-nin “Əl-Şabab” komandasını çalışdırıb. İndi portuqaliyalı mütəxəssis İngiltərə Premyer Liqasında özünü sınayacaq. Pereyra müxtəlif ölkələrdə, xüsusən də Yunanıstan, Türkiyə və Braziliyada işləmək üçün böyük təcrübəyə malikdir. Bir neçə gün əvvəl "Vulverhempton" Qeri O'Nili istefaya göndərib. “Canavarlar” hazırda Premyer Liqanın turnir cədvəlində 19-cu yerdədir.
