AZ

"Limonçik Əli" ilə birgə saxlanılanlar həbs edildi-YENİLƏNİB

  "Limonçik Əli" ilə birgə tutulan şəxslər həbs edilib. 

 20 yaşlı F.Hüseyn, əkiz qardaşı Y.Hüseyn, 20 yaşlı Ş.Kərimli, 19 yaşlı R.Ağayev inzibati qaydada 20 sutka həbs ediliblər. 

Ə.İsmayıllının isə valideyni iştirak etmədiyi üçün onun işinə baxılmayıb.

***
13:47

Polis Nərimanov, Abşeron və Suraxanı rayonlarında avtomobillərdən dövlət qeydiyyat nişanlarını oğurlayan şəxsləri müəyyən edərək saxlayıb.

Lent.az xəbər verir ki, Nərimanov rayonu ərazisində “Toyota” və “Jeep” markalı iki avtomobilin dövlət qeydiyyat nişanlarının oğurlanması barədə Nərimanov rayon Polis İdarəsinin 18-ci Polis Şöbəsinə məlumat daxil olub. 

Polis əməkdaşlarının keçirdikləri tədbirlərlə oğurluq əməllərini törətməkdə şübhəli bilinən 20 yaşlı F.Hüseyn, əkiz qardaşı Y.Hüseyn, 20 yaşlı Ş.Kərimli, 19 yaşlı R.Ağayev və bir yeniyetmə müəyyən olunaraq saxlanılıblar. 

Onlar oğurladıqları dövlət qeydiyyat nişanlarının sahiblərinə Qazaxıstana məxsus nömrələrlə zəng edərək pul tələb ediblər.

Onların  Abşeron rayonu Xırdalan şəhəri ərazisində “Toyota”, “Hyundai”, “Range Rover” və “Mercedes” markalı daha 5 avtomobilin dövlət qeydiyyat nişanlarını oğurladıqları məlum olub. 

Suraxanı rayon Polis İdarəsi 33-cü Polis Bölməsi əməkdaşlarının keçirdikləri tədbirlərlə isə Yeni Günəşli qəsəbəsi “AB” yaşayış sahəsində yerləşən avtomobil təmiri sexində “Opel” markalı avtomobilin dövlət qeydiyyat nişanları oğurlamaqda şübhəli bilinən 24 yaşlı Ə.İsmayıllı saxlanılıb.

Faktlarla bağlı araşdırmalar aparılır.

"Manset.az"ın yazdığına görə, saxlanılan Ə.İsmayıllı "Limonçik Əli" ləqəbi ilə tanınan sosial şəbəkə fenomenidir.

O, əvvəllər Rusiyada limon satmaqla sosial şəbəkələrdə məşhurlaşıb.  


Seçilən
3
49
referans.az

10Mənbələr