Misli Premyer Liqasının XVIII turunda bu gün daha iki oyun baş tutacaq.
Publika.az xəbər verir ki, əvvəlcə “Turan Tovuz” komandası doğma meydanda “Neftçi” ilə üz-üzə gələcək.
Tovuz şəhər stadionunda keçiriləcək görüş saat 16:00-da başlayacaq. Hazırda Tovuz klubu turnir cədvəlində 31 xalla üçüncü pillədə qərarlaşıb. Paytaxt təmsilçisi isə 16 xalla yeddincidir.
Günün son qarşılaşması “ASCO Arena”da “Səbail” və “Zirə” arasında keçiriləcək. Elçin Məsiyevin idarə edəcəyi görüşün start fiti saat 18:30-da səsləndiriləcək.
“Zirə” komandası turnir cədvəlində 27 xalla dördüncü yerdədir. Sonuncu - onuncu yerdə olan “Səbail”in isə 9 xalı var.
Misli Premyer Liqası
II dövrə, XVIII tur
21 dekabr
16:00. “Turan Tovuz” – “Neftçi”
Hakimlər: İnqilab Məmmədov, Namik Hüseynov, Rahil Ramazanov, Kamran Əliyev.
VAR: Rauf Allahverdiyev.
AVAR: Eyyub İbrahimov.
Hakim-inspektor: Ramil Diniyev.
