Xəbər verdiyimiz kimi, Prezident İlham Əliyevin bu gün imzaladığı sərəncamla “Bakı Metropoliteni”nin sədri Zaur Hüseynov vəzifəsindən azad olunub.
Prezidentin digər sərəncamı ilə “Bakı Metropoliteni” Qapalı Səhmdar Cəmiyyətinə yeni sədr təyin olunub.
Bu vəzifəyə Aslanov Vüsal Yusif oğlu gətirilib.
News24.az Lent.az-a istinadla Vüsal Aslanovun qısa bioqrafiyasını təqdim edir:
Bakı Metropoliteninin yeni rəisi Vüsal Aslanov kimdir?
Vüsal Aslanov 1981-ci ildə Sumqayıt şəhərində anadan olub.
Vüsal Aslanov harda təhsil alıb?
Bakı Dövlət Universitetində "Hüquq" ixtisası üzrə təhsil alıb, mülki və təsərrüfat hüququ üzrə magistr dərəcəsi əldə edib. 2020-ci ildə "Maastricht School of Management"i bitirib.
Vüsal Aslanov harda işləyib?
2004–2015-ci illərdə “Azərinşaatservis” MMC, “Azərinteltek” QSC, “Azərcon” ASC və “Retro-Park” MTK-da müxtəlif vəzifələrdə çalışıb.
2015–2016-cı illərdə “Azərbaycan Dəmir Yolları” Qapalı Səhmdar Cəmiyyəti sədrinin müşaviri vəzifəsində işləyib.
2016-cı ildə “Azərbaycan Dəmir Yolları” QSC sədrinin müavini təyin edilib.
Vüsal Aslanov barədə hansı şəxsi məlumatlar var?
Vüsal Aslanov evlidir. Onun 3 övladı var.
