Kerç boğazında qəzaya uğrayan tankerlər mövsümi naviqasiya məhdudiyyətlərini pozaraq sularda olublar. Bu barədə Rusiya Nəqliyyat Nazirliyinin Telegram kanalında məlumat verilib.

Qeyd olunur ki, müvafiq qanun pozuntuları Rostransnadzor tərəfindən aparılan yoxlama zamanı aşkar edilib.

“Müəyyən edilib ki, hər iki gəmi akvatoriyada naviqasiya ilə bağlı mövsümi məhdudiyyətləri pozaraq Kerç boğazında olub. “Volqatransneft” QSC-yə məxsus bir neçə tanker təhlükəli yüklərin daxili su və dəniz nəqliyyatı ilə daşınması üçün lisenziyaya daxil edilməyib”, mətndə deyilir.

Xatırladaq ki, dekabrın 15-də fırtınalı hava şəraitində “Volqoneft-239” və “Volqoneft-212” tankerləri Kerç boğazının sularında qəzaya uğrayıb. Hər iki gəmi ciddi ziyan görərək batdı, nəticədə Qara dənizə mazut sızdı. Bundan əlavə, qəza nəticəsində bir dənizçi ölüb, digər ekipaj üzvləri müxtəlif dərəcəli bədən xəsarətləri ilə xəstəxanaya çatdırılıb.

aia.az
Tərcümə şöbəsi

• Pozuntular
• Fövqəladə Vəziyyət
• Yoxlanma
• Tankerlər
• Kerç
• Rostransnadzor