Bu gün Milli Məclisin deputatı, Vətəndaş Həmrəyliyi Partiyasının sədr müavini, professor Fəzail İbrahimli Masallı rayonuda növbəti vətəndaş qəbulu keçirib. Qəbulda rayonun Xırmandalı, Hacıtəpə və Ərəb kəndinin sakinləri iştirak ediblər.
Qəbul ümumi qaydada keçirilib, vətəndaşlar tərəfindən qaldırılan təklif, şikayət və müraciətlər dinlənilib, bir sıra məsələlər yerində həll edilib, digər məsələlər müraciətlərə uyğun olaraq aidiyyatı qurumlara ünvanlanıb.
Millət vəkili F.İbrahimli Ərəb kənd orta məktəbinin həyətindəki şəhidlər abidəsini ziyarət edib, şəhidlərin xatirəsini yad ediblər. Sonda isə İkinci Qarabağ şəhidi Cəbrayıl Qasımovun nənəsinin 40 mərasimində iştirak edərək, şəhid ailəsinə başsağlığı veriblər.
VHP Mətbuat Xidməti
