Hökümənin nəşi bu gün vətənə GƏTİRİLƏCƏK

Təyyarə qəzasında həlak olan Hökümə Əliyevanın nəşi vətənə bu gün gətiriləcək.

Bizim.Media xəbər verir ki, bunu junalistlərə açıqlamasında təyyarə qəzasında həlak olan Hökümənin xalası qızı Aysel Abdullayeva deyib.

O bildirib ki, bu barədə Hökümənin qardaşına məlumat veriblər.

"Bildiriblər ki, bu gün meyiti Qazaxıstandan gətirilərək, ailəsinə təhvil veriləcək. Son dəfə dünən səhər saatlarında Höküməyə neçə dəfə zəng etdim, cavab vermədi", - deyə o qeyd edib.

Xatırladaq ki, ötən gün Bakı-Qroznı marşrutu üzrə uçan "Embraer 190" sərnişin təyyarəsi Aktaunun hava limanından 3 km məsafədə qəzaya uğrayıb. Aktau şəhərində qəzaya uğrayan Bakı-Qroznı reysini yerinə yetirən “Embraer 190” təyyarəsində 62 sərnişin, 5 ekipaj üzvü olmaqla, ümumilikdə 67 nəfər olub. Son məlumata görə, qəza nəticəsində 26 vətəndaşımız həyatını itirib, 16 Azərbaycan vətəndaşı isə sağ qalıb.

Bizim.Media