Toya gedənlərlə yasa gedənlərin avtomobilləri toqquşdu - Ölən və xəsarət alanlar var

Biləsuvar-Bəhrəmtəpə yolunda ağır yol qəzası baş verib. Turanpress.org "Qafqazinfo”ya istinadən xəbər verir ki, yolun Arazbari kəndindən keçən hissəsində iki minik avtomobili toqquşub. Nəticədə 7 nəfər müxtəlif dərəcəli xəsarətlər alıb, onlardan biri hadisə yerində vəfat edib. Yaralılar Biləsuvar rayon Mərkəzi Xəstəxanasına yerləşdirilib. Onlardan biri (qadın) də xəstəxanada dünyasını dəyişib. Hazırda ölən və xəsarət alan şəxslərin kimliyi müəyyənləşdirilir. *** Bildirilir ki, toqquşan avtomobillərdən "VAZ 2107”də olanlar Beyləqan rayon sakinləridir və bir ailənin üzvləridir. Onlar Salyana yas mərasiminə gedirmiş. "Opel” markalı avtomobildə olan şəxslər isə Cəbrayılın Cocuq Mərcanlı kəndinin sakinləridir. Onlar Bakıdan Cocuq Mərcanlıya toy məclisinə gedirmiş.