Gürcüstan parlamentində Salome Zurabişvilini əvəz edən prezident Mixeil Kavelaşvilinin andiçmə mərasimi keçirilib.
Azpost.info xəbər verir ki, tədbirdə məhdud dairə – əsasən namizədi Kavelaşvili olan hakim “Gürcü Arzusu” partiyasının deputatları iştirak edib.
Etirazçılar Tbilisinin Rustaveli prospektində yerləşən binanın qarşısında toplaşıblar. Onlar özləri ilə yeni prezidentin təsviri və üzərində “Təbrik edirəm, qul” yazısı olan bayraqlar, eləcə də qırmızı vərəqələr gətiriblər.
Sələfindən fərqli olaraq, Kavelaşvili hakimiyyətə vətəndaşların iradəsi nəticəsində deyil, ona səs verən seçici kollegiyasının sayəsində gəlib. O, yeganə namizəd olub.
Daxili İşlər Nazirliyi Rustaveli prospektini bağlayıb və parlamentin çıxışlarına polislər yerləşdirib. Açılış mərasiminin iştirakçıları binanı tərk etdikdən sonra etirazçıların həbsləri başlayıb.
Nümayişçilər nəqliyyatın hərəkətinə mane olmaqda günahlandırılıblar.
Hadisə şahidlərinin sözlərinə görə, Kaşveti kilsəsi yaxınlığında polislə toqquşma nəticəsində azı 4 nəfər saxlanılıb.
Azpost.info
