Almaniyanın Ştutqart şəhərində dörd nəfərlik “Cessna C-172” təyyarəsi qəzaya uğrayıb.
Publika.az xəbər verir ki, polisin verdiyi açıqlamada tək motorlu təyyarənin eniş zamanı qəzaya uğradığı və hava limanının müvəqqəti olaraq uçuşlara bağlandığı bildirilib.
Açıqlamada pilotun yüngül xəsarət aldığı, 70 yaşlı sərnişinin isə ağır xəsarətlərlə xəstəxanaya yerləşdirildiyi qeyd olunub.
Həmçini eniş zamanı havanın dumanlı olduğu və qəzanın səbəblərinin araşdırıldığı da vurğulanıb.
