1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
İngiltərə Premyer Liqasının 19-cu turunun "Mançester Yunayted" və "Nyukasl" komandalarının qarşılaşdığı matç başa çatıb.
Oxu.Az xəbər verir ki, Mançesterdəki "Old Trafford" stadionunda baş tutan oyun 0:2 hesabı ilə qonaqların xeyrinə başa çatıb.
Qarşılaşmada hesab artıq dördüncü dəqiqədə açılıb, "Nyukasl"ın hücumçusu Aleksandr İsak fərqlənib. 19-cu dəqiqədə Joelinton komandasının fərqini ikiyə çatdırıb.
"Mançester Yunayted" 19 oyundan 22 xal toplayıb və İngiltərə Premyer Liqasında 14-cü yerdədir. "Nyukasl" eyni sayda görüşdən 32 xalla İngiltərə çempionatının turnir cədvəlində beşinci yerdədir.
