Amerikalı sahibkar Elon Musk “X” sosial şəbəkəsindəki profilini rebrendinq edərək adını “Kekius Maximus” olaraq dəyişdirib.
O, şəklini Qurbağa Pepenin şəkli ilə əvəz edib.
“Cebheinfo.az” xəbər verir ki, istifadəçilər artıq qurbağanın formasına xüsusi diqqət yetiriblər: o, qladiator forması geyinib və əlində oyun konsolu var.
Mask qərarını şərh etməyib, həmçinin daha tanış foto və profil adına qayıtmağı planlaşdırıb-qalmayacağını da açıqlamayıb.
Eyni zamanda, avatarını dəyişməmişdən əvvəl də milyarder demək olar ki, hər gün mediada görünürdü. Məsələn, onun haqqında ən son xatırlananlardan biri də “The New York Times” qəzetinin məqaləsi olub. Orada bildirlirdi ki, iş adamı Amerikanın yeni seçilmiş Prezidenti Donald Trampın Mar-a-Laqo malikanəsi ərazisindəki kotteclərdən birində məskunlaşıb.
