1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Salyanda ağır yol-nəqliyyat hadisəsi baş verib.
Oxu.Az xəbər verir ki, bu barədə Fövqəladə Hallar Nazirliyinin (FHN) Mətbuat Xidməti məlumat verilib.
Bildirilib ki, Salyan rayonunun Kürsəngi kəndi ərazisində baş vermiş qəza ilə bağlı FHN-in Muğan Regional Mərkəzinin xilasediciləri cəlb edilib.
Hadisə yerində əməliyyat şəraiti qiymətləndirilərkən "Hyundai Tucson" markalı minik avtomobilinin, ilkin ehtimala görə, yüksək sürətlə hərəkətdə olarkən idarəetməni itirirək çevrilməsi nəticəsində qəzanın baş verdiyi və sərnişinin deformasiyaya uğramış nəqliyyat vasitəsində sıxılı vəziyyətdə qalması müəyyən olunub.
Xilasedicilər tərəfindən xüsusi alətlərin köməyi ilə nəqliyyat vasitəsində sıxılı vəziyyətdə qalan 1961-ci il təvəllüdlü Rafət Hilal oğlu Əhmədov avtomobildən çıxarılaraq təcili tibbi yardım briqadasına təhvil verilib.
Faktla bağlı araşdırma aparılır.
Həmin görüntüləri təqdim edirik:
