2024-cü ildə ABŞ-də polis tərəfindən azı 1 251 nəfər öldürülüb.
Medianews.az “Report”a istinadla xəbər verir ki, bu barədə polis zorakılığına dair bazaya (mappingpoliceviolence.us) istinadən məlumat yayılıb.
Belə ki, ötən il yalnız 13 gün ərzində polis qətli hadisəsi qeydə alınmayıb. 2023-cü ildə polis tərəfindən öldürülmüş insanların sayı 1 247 olub və onlardan 27 faizi qaradərili idisə, 2024-cü ildə bu, 30 %-ə yüksəlib. Beləliklə, son 10 ildə ən çox polis qətlləri hadisələri 2024-cü ilin payına düşüb.
2013-2023-cü illər arasında polis tərəfindən törədilmiş qətllərin 98,1 faizi üçün polis əməkdaşları cinayət məsuliyyətinə cəlb olunmayıb. 2024-cü ildə ən çox polis qətli Nyu-Meksiko ştatında baş verib. Ümumilikdə, 2013-cü ildən bu günə qədər polis 13 minə yaxın insanı öldürüb.
