Bu gün səhər saatlarında vəfat edən aktyor Azər Baxşəliyev bu gün torpağa tapşırılacaq.
Medianews.az musavat.com-a istinadla xəbər verir ki, son mənzilə evindən yola salınan aktyor Qurd qapısı qəbirstanlığında dəfn olunacaq.
Qeyd edək ki, aktyor uzun müddət idi ki, böyrək çatışmazlığından əziyyət çəkirdi.
Bir neçə gün öncə xəstəxanaya yerləşdirilən aktyorun ölüm xəbəri yayılsa da, daha sonra Azər Baxşəliyevin reanimasiyaya yerləşdirildiyi və süni tənəffüs aparatına qoşulduğu açıqlanmışdı.
11:23
Aktyor Azər Baxşəliyev vəfat edib.
Medianews.az milli.az-a istinadla xəbər verir ki, o, bu gün dünyasını dəyişib.
Qeyd edək ki, aktyor daha əvvəl xəstəxanadan evə buraxılıb.
Xatırladaq ki, aktyor poliorqan çatışmazlığından əziyyət çəkirdi, orqanizmi yaşama qabiliyyətini itirmişdi. Dünən axşamdan etibarən həkimlərin səylərinə baxmayaraq, aktyorun ümumi vəziyyətində geridönməz proseslər baş verib.
10:30
Ölüm xəbəri yayılan tanınmış aktyor Azər Baxşəliyevin son durumu açıqlanıb.
Medianews.az xəbər verir ki, bu barədə Azərbaycan Tibb Universitetindən məlumat verilib.
Bildirilib ki, dünən axşamdan etibarən həkimlərin səylərinə baxmayaraq, xəstənin ümumi vəziyyətində geridönməz proseslər baş verib:
“Poliorqan çatışmazlığı səbəbindən orqanizm yaşama qabiliyyətini itirib. Bununla bağlı olaraq, Azər Baxşəliyevin valideyn və ailə üzvlərinin istəyi ilə xəstə bu gün evə aparılır”, – məlumatda deyilir.
Xatırladaq ki, yanvarın 2-si böyrək çatışmazlığından əziyyət çəkən Azər Baxşəliyev koma vəziyyətində xəstəxanaya çatdırılıb. Axşam saatlarında öldüyü deyilən aktyorun ürək fəaliyyəti həkimlər tərəfindən bərpa edilib.
