Şimali Koreya yeni ilin ilk raket sınağını keçirib. Şimali Koreyanın Yapon dənizinə doğru ortamənzilli ballistik raket atdığı açıqlanıb.
"Cebheinfo.az" xəbər verir ki, Yaponiya Müdafiə Nazirliyindən verilən açıqlamada Şimali Koreyanın Yapon dənizinə doğru ballistik raket atdığı bildirilib.
Qeyd olunub ki, raket 1100 kilometr məsafə qət etdikdən sonra Yaponiyanın iqtisadi zonasından kənara düşüb.
Raketin ABŞ dövlət katibi Antoni Blinkenin Cənubi Koreyada siyasi təmaslar apardığı vaxt buraxılması diqqət çəkib.
Xatırladaq ki, Şimali Koreya sonuncu dəfə keçən il noyabrın 5-də qısamənzilli ballistik raket buraxmışdı.
