Kolumbiyalı yarımmüdafiəçi Xames Rodriges yaxın günlərdə "Rayo Valyekano"nu tərk edə bilər.
Fanat.Az xəbər verir ki, informasiyanı şəxsi "X" hesabı üzərindən tanınmış insayder Fabritsio Romano yayıb.
Xəbərə görə, tərəflər hazırda müqaviləyə qarşılıqlı razılıq əsasında xitam verilməsi üçün danışıq aparırlar.
Daha öncə İspaniya mətbuatında sözügedən futbolçunun Meksikanın "Amerika" klubuna keçəcəyi ilə bağlı məlumatlar dərc edilmişdi.
Xatırladaq ki, 33 yaşlı Xames "Rayo Valyekano"ya cari mövsümün əvvəlində qoşulub. La Liqa klubunun forması ilə bütün turnirlərdə 7 oyuna çıxan orta xətt oyunçusu 1 məhsuldar ötürmə ilə yadda qalıb. O, ümumilikdə 205 dəqiqə meydanda olub.
Nihat
