Fins.az - 2024-cü ilin yanvar-dekabr aylarında Türkiyədən Azərbaycana kimyəvi maddə ixracı 2023-cü ilin eyni dövrü ilə müqayisədə 5,6 faiz artaraq, 527 milyon 111 min 71 dollar təşkil edib.
Bu barədə Türkiyə Ticarət Nazirliyindən bildirilib.
Nazirlikdən verilən məlumata görə, 2024-cü ilin dekabr ayında Türkiyə Azərbaycana 45 milyon 906 min 57 dollar məbləğində kimyəvi maddə ixrac edib ki, bu da 2023-cü ilin dekabr ayı ilə müqayisədə 4,6 faiz azalma nümayiş etdirib.
Ümumilikdə, 2024-cü ilin yanvar-dekabr aylarında Türkiyənin kimyəvi maddə ixracı 2023-cü ilin eyni dövrü ilə müqayisədə 1 faiz artaraq, 30 milyard 785 milyon 242 min dollar təşkil edib.
Türkiyə Ticarət Nazirliyi qeyd edib ki, 2024-cü ilin dekabr ayında ümumilikdə 2 milyard 658 milyon 128 min dollar məbləğində kimyəvi maddə ixrac edilib ki, bu da 2023-cü ilin dekabr ayı ilə müqayisədə 1,4 faiz azalma göstərib.
Qeyd edək ki, 2024-cü ilin son 12 ayı ərzində (dekabr 2023-dekabr 2024) Türkiyə 30 milyard 785 milyon 242 min dollar məbləğində kimyəvi maddə ixrac edib.
