İspaniyanın “Valensiya”sı səfərdə “Eldense”ni 2:0 hesabı ilə inamla məğlub edərək İspaniya kubokunun 1/8 final mərhələsinə yüksələn sonuncu, 16-cı klub olub.
News24.az xəbər verir ki, İspaniyanın yüksək divizionu La Liga 12 klubu turnirin 1/8 finalına yüksəlib. Bunlar "Leqanes", "Selta", "Real Sosyedad", "Atletiko", "Atletik", "Barselona", "Osasuna", "Betis", "Getafe", "Rayo Valyekano", "Real Madrid" və "Valensiya"dır.
Qeyd edək ki, Bu gün, yanvarın 8-də İspaniya Kral Futbol Federasiyasının (RFEF) Ciudad Deportiva de las Rosas şəhərindəki mənzil-qərargahında Kral Kubokunun 1/8 final mərhələsinin püşkatma mərasimi keçiriləcək.
Ağa Dadaşzadə
