“Flydubai” (BƏƏ) aviaşirkəti Dubaydan Mineralnıye Vodı və Soçiyə uçuşların dayandırılması müddətini yanvarın 22-dək uzadıb.
Bu barədə şirkətin nümayəndəsi "İnterfaks" agentliyinə bildirib.
"Texniki səbəblərə görə “Flydubai” aviaşirkətinin Dubay Beynəlxalq Hava Limanı ilə Mineralnıye Vodı və Soçi hava limanları arasında uçuşları 22 yanvar 2025-ci il tarixinədək müvəqqəti olaraq dayandırılıb", - o bildirib.
Daha əvvəl aviaşirkət dekabrın 28-dən 2025-ci il yanvarın 5-dək Soçi və Mineralnıye Vodıdan Dubaya reysləri ləğv etmişdi.
©Report
