Bakı, 8 yanvar, AZƏRTAC
Afrikanın bəzi regionları neokolonializmdən əziyyət çəkir. Fransa Bakı Təşəbbüs Qrupunu (BTQ) ittiham etməkdənsə qanunsuz fəaliyyətlərini dayandırmalıdır.
AZƏRTAC xəbər verir ki, bu barədə Bakı Təşəbbüs Qrupunun icraçı direktoru Abbas Abbasov BTQ-yə qarşı əsassız iddialara cavab məqsədilə keçirilən mətbuat konfransı zamanı söyləyib.
O bildirib ki, Prezident İlham Əliyev dünyada başlayan dekolonizasiya prosesinə dəstək verən liderlərdən biridir. Dövlətimizin başçısının neokolonializmlə bağlı məsələni qabartması nəticəsində dünyanın diqqəti bu mövzuya yönəlib.
İcraçı direktor, həmçinin qeyd edib ki, hazırda Fransanın işğalı altında olan 13 bölgədə əhalinin hüquqları təmin edilmir, onların yaşam səviyyəsi olduqca acınacaqlıdır.
