1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"TipToe" adlı nəhəng tısbağa Los-Ancelesdə yanğınlar zamanı xilas edilib.
Oxu.Az-ın məlumatına görə, bu barədə "NBC News" telekanalı məlumat yayıb.
"80 kiloqramlıq "TipToe" təxliyə olunanlar arasında idi - xilasedicilər onu Los-Ancelesın Poliseyds rayonundan böyük konteyner içində çıxarıblar", - deyə məlumatda qeyd olunub.
Heyvanın sahibi Keytlin Dorn öz ailəsinin və heyvanlarının yanğından necə xilas olduğunu "TikTok"dakı 4.5 milyon izləyicisi üçün çəkib. Bundan sonra o öz hesabında yanğından yanmış yorğana bükülmüş tısbağanın göründüyü evindən video paylaşıb.
Dorn kanalın efirində ailəsinin bir neçə üzvünün Poliseyds rayonunda yaşadığını və yanğın səbəbindən evlərini itirdiyini bildirib.
"Ən əsası odur ki, hamımız, bildiyiniz kimi, sağ-salamat və bacardığımız qədər tez çıxa bildik. Heç nə götürmədik, amma Poliseydsdən kənarda evimin olması çox şanslı vəziyyətdir, çünki nənəm və babam evlərini itirdilər, valideynlərim, xalam və əmim, 15 dostum evlərini itirdilər", - deyə o əlavə edib.
