“Milan” və “İnter” “Real”ın yarımmüdafiəçisi Arda Güləri transfer etməkdə maraqlıdır.
Sportinfo.az xarici KİV-ə istinadən xəbər verir ki, türk futbolçunun “Real”da nadir hallarda start heyətində meydana çıxması onun qarşıdakı transfer pəncərəsində mümkün gedişi ilə bağlı şayiələrə səbəb olub.
A Seriyasının iki top-klubu – “Milan” və “İnter” 20 yaşlı oyunçunu icarəyə götürmək istəyir. “Transfermarkt” onun dəyərini 45 milyon avro qiymətləndirir.
Arda bu mövsüm “Real”ın heyətində 30 oyunda 3 qol vurub və 5 məhsuldar ötürmə edib.
