Bölgədə xüsusən Xaçmaz-Quba-Qusarın kəndlərarası və mərkəzi avtomobil yolları buz bağlayıb.
KONKRET.az-ın məlumatına görə, hazırda qeyd olunan rayonlarda qarın yağması davam edir.
Belə ki, Quba rayonunda və ətraf kəndlərində havanın temperaturu mənfi 6 dərəcə, qarın qalınlığı 18 santimetr, Xınalıq kəndində mənfi 12 dərəcə, qarın qalınlığı 15 santimetr, Qrız kəndində mənfi 13 dərəcə, qarın qalınlığı 10 santimetrdir.
Qusar rayonu və ətraf kəndlərində havanın temperaturu mənfi 7 dərəcə, qarın qalınlığı 5 santimetr.
Həzrə kəndində havanın temperaturu mənfi 7 dərəcə, qarın qalınlığı 3 santimetrdir. Laza kəndində havanın temperaturu mənfi 10 dərəcə, qarın qalınlığı 5 santimetrdir.
Xaçmaz rayonu və ətraf kəndlərində havanın temperaturu mənfi 4 dərəcə, qarın qalınlığı 3 santimetr, Qaracəlli kəndində mənfi 7 dərəcə, qarın qalınlığı 3 santimetr təşkil edir.
Sözügedən rayonlarda buz bağlamış avtomobil yollarına səhər saatlarından başlayaraq duz qarışıq qum tökülməsinə başlanılıb.
unikal.org
