ABŞ prezidentliyinə namizəd Donald Tramp Böyük Britaniyanın keçmiş baş naziri Boris Consona verdiyi dəstəyə və mühakimə olunduqdan sonra cinayət təqibini tənqid etdiyinə görə təşəkkür edib.
Bu barədə "Politico” məlumat yayıb.
"Təşəkkür edirəm, Boris Conson!", deyə Tramp "Truth” sosial şəbəkəsində yazıb.
O, həmçinin Britaniyanın keçmiş baş nazirinin şərhlərindən parçalar dərc edib.
Consona görə, ABŞ liberal elitaları Trampın seçki kampaniyasına müdaxilə etmək üçün ağlına gələn hər şeydən istifadə ediblər. Conson bildirib ki, Respublikaçının rəqibləri onun davamlı populyarlığı və seçicilərlə ortaq dil tapmaq bacarığı ilə barışa bilmirlər.
Siyasətçi onu da vurğulayıb ki, Trampın prezidentlik müddəti hesab ediləndən daha uğurlu olub və onun rəqibləri ABŞ-da keçiriləcək prezident seçkilərində ona müdaxilə etməməlidirlər.
