Qara zirəni bu qədər dəyərli edən, onun tərkibindəki vitamin və minerallardır. İnsan sağlamlığına təəccübləndirəcək şəkildə kömək edən və bir çox xəstəliklərin müalicəsində dərman olaraq istifadə edilən çox zəngin bir bitkidir. Bu bitki çox zəngin vitamin qaynağıdır. Belə ki, A, H, B1, B2, B6 və C vitaminlərini özündə saxlayır. Mineral olaraq isə sink, kalsium, maqnezium və selenium kimi maddələrlə zəngindir. Çörək otunun tərkibində 38% karbohidrat, 35% müxtəlif yağlar, 21% albummin və geriyə qalan 6%-də isə yüzə yaxın maddə vardır.Çörək otunun sağlamlığa faydaları
Dünyaca məşhurlaboratoriya araşdırmalarında, çörək otunun insan sağlamlığına faydalarını ortaya çıxarmaq və xəstəliklərin müalicəsində necə istifadə ediləcəyi ilə əlaqəli araşdırmalar aparılıb. Bu araşdırmalar nəticəsində çox önəmli nəticələr əldə edilib.
Astma: 2010-cu ildə aparılan laboratoriya araşdırmaları nəticəsində qara zirənin astma xəstəliyinin müalicəsində çox faydalı olduğu isbat olundu və ilk olaraq “Phytomedicine” jurnalında çap olundu. Alimlər tərəfindən aparılan digər araşdırmalarda isə bu bitkinin yağının astmaya çox faydalı olduğu sübut edilib. Astma krizləri baş verən zaman bir fincan qəhvə ilə Qara zirə yağını qarışdıraraq səhər-axşam içmək çox yaxşı təsir göstərəcək. Astma xəstəliyinə ən yaxşı kömək edən bu bitkinin yağını sinə və bel nahiyəsinə çəkin və ya qaynar suya bir qədər qara zirə yağı qatın və gün ərzində bir neçə dəfə buxar vannası edin.
Yüksək təzyiq: Bu bitkinin yüksək təzyiqi normaya salmaq kimi bir funksiyası var. Belə ki, yüksək təzyiqdən əziyyət çəkən insanlar 0,6 mq miqdarında çörək otu qəbul etdikdə təzyiqin düşməsinə kömək edəcək.
Boğaz Ağrısı: Qara zirə boğaz iltihabına qarşı çox faydalıdır.Sədəf xəstəliyi: Sədəf iltihablarına qarşı aktual olaraq tətbiq olunması vəziyyətində, qara zirə epidermal qalınlığın artmasının və partlamanın qarşısını aldığı elmi olaraq sübut olunmuşdur.
Qaraciyər xəstəliyi: Xalq təbabətində də qara zirənin qaraciyəri bəzi zəhərlənmə növlərindən qoruduğu məlumdur. Mövzu ilə əlaqəli aparılan araşdırmalarda bu məlumatın doğruluğuna şübhə qalmamışdır. Belə ki, bu bitki karbon tetrachloridin zəhərli təsirini azaldır. Bununla yanaşı qaraciyər xərçəngindən qorunmaq üçün də faydalıdır.
Diabet xəstəliyi: Qara zirənin faydalarının araşdırılması ilə bağlı gedən təcrübələr nəticəsində damarda tıxacların qarşısının alınmasında çox təsirli olduğu ortaya çıxıb. Diabet xəstələrinə, xüsusilə də yüksək qan şəkəri olan insanlar bu bitkidən istifadə edə bilərlər.
Allergiya xəstəlikləri: Almaniyada aparılan araşdrmalar nəticəsində məlum olub ki, astma, ekzema xəstəliyindən əziyyət çəkən 152 nəfərə hər gün 40-80 mq qara zirə yağı tərkibli dərman verilərək müalicə edilib.
Yaddaşı gücləndirir: Bir stəkanın içərisində nanəyə 8-10 damcı qara zirə yağı töküb gündə iki dəfə içsəniz yaddaşınıza çox kömək edəcək.
Hormonal tarazlığı qoruyur: Bir ay müddətində, üyüdülmüş qara zirə otunu 10-20 mq arı südü və ya 30-35 q bal ilə qarışdıraraq ağızda əriyəcək şəkildə udun.Böyrək daşına faydası: Qəhvə fincanına üyüdülmüş qara zirə otu və bir o miqdarda da bal və 3 diş sarımsaq qarışdırılıb 7 gün müddətində gündə 3 dəfə 50-100 q limon suyu əlavə olunaraq içilir.
Qara zirə otunun düzgün istifadəsi və zərərləri:
Xüsusilə qeyd etmək istəyirəm ki, yuxarıda qeyd etdiyim məsləhətlərdə istifadə zamanı miqdara diqqət yetirəsiniz. Belə bir deyimi demədən keçə bilmərəm. “İnci saflığı olsa da suda, artıq içiləndə dərd verir o da”. Hamilə qadınların istifadə etməsi qəti qadağandır.
- Hər hansı bir xəstəliklə bağlı müalicə alırsınızsa, həkiminizlə məsləhətləşmədən bu bitkidən istifadə etməyin.
- Qədərindən artıq istifadə etsəniz, bağırsaqlardakı faydalı bakteriyaları öldürdüyü üçün qəbizlik yarada bilər.
- Əgər təzyiq dərmanları istifadə edirsinizsə eyni zamanda bu bitkidən istifadə etməyiniz məsləhət deyil.
