Almaniyada təşkil olunan futbol üzrə Avropa çempionatında bu gün yarımfinalın ilk oyunu keçiriləcək.
Korrespondent.az bildirir ki, Münhendəki "Alyans Arena"da İspaniya və Fransa yığmaları üz-üzə gələcəklər.
İspanlar 1/4 finalda Almaniyanı mübarizədən kənarlaşdırıblar. Fransızlar isə Portuqaliyadan güclü olublar.
Saat 23:00-da start götürəcək görüşü sloveniyalı Slavko Vinçiç idarə edəcək.
Qeyd edək ki, yarımfinal mərhələsinin digər oyununda sabah Niderland və İngiltərə yığmaları qarşılaşacaqlar.
