Bakı, 10 iyul, AZƏRTAC
Bakı şəhərinin Xətai rayonu, Afiyəddin Cəlilov küçəsində (Yusif Səfərov küçəsindən Xəqani Rüstəmov küçəsinədək) aparılan təmir işləri artıq yekunlaşıb.
Azərbaycan Avtomobil Yolları Dövlət Agentliyindən AZƏRTAC-a bildirilib ki, texnoloji ardıcıllığa uyğun olaraq həmin hissə üzrə frezlənmə və yeni asfalt-beton örtüyünün döşənməsi işləri aparılıb. Bu işlərə paralel olaraq, küçədə yeraltı kommunikasiya xətlərinin baxış qapaqlarının və yağış barmaqlıqlarının layihə hündürlüyünə qaldırılması işləri də yerinə yetirilib.
Yolda üfüqi nişanlanma xətləri, piyada zolaqları çəkilib, parkinq yerləri yaradılıb.
![](https://azertag.az/files/galleryphoto/2024/2/1200x630/17206095773259452791_1200x630.jpg)
![](https://azertag.az/files/galleryphoto/2024/2/1200x630/17206095772364864957_1200x630.jpg)
![](https://azertag.az/files/galleryphoto/2024/2/1200x630/17206095773303939239_1200x630.jpg)