Nazirlik rəsmisi xatırladıb ki, ötən illərdə informatika fənni bir sıra məktəblərdə yeni məzmunda tədris olunub: “Burada şagirdlərə təkcə nəzəriyyə deyil, praktik kodlaşdırma bacarıqları da öyrədilir. Bundan başqa, təbiət fənlərinin tədrisinə ayrılan vaxt və həcm artırılıb. STEAM məşğələlərinin keçirilməsi də məzmunda yeniliklərə aiddir. Xeyli məktəbdə STEAM laboratoriyaları var və bu sahədə əhatəlilik genişləndirilir”.
Nazirlik rəsmisi onu da bildirib ki, riyaziyyat və Azərbaycan dili fənlərinin məzmunu ilə bağlı təkmilləşdirmələr davam edir: “Əgər əvvəllər Azərbaycan dili fənninin tədrisində şagirdlərə əsasən dil qaydalarını öyrədirdiksə, indi dünyada qəbul olunduğu kimi, dörd əsas məsələni öyrədirik: dinləyib-anlama, oxuyub-anlama, danışma və yazı. Dil qaydaları isə bu istiqamətləri öyrənmək üçün zəruri bilikləri verməlidir. I-V sinif Azərbaycan dili dərslikləri bu istiqamətdə hazırlanır.
Eyni hal riyaziyyat fənninə də aiddir. Azərbaycanda riyaziyyat elmi və onun məktəbdə tədrisi hər zaman güclü olub, amma riyaziyyat tətbiqi xarakter daşımayıb. Riyaziyyat fənni üzrə çoxlu misallar həll olunur, ancaq eyni misalın məntiqi hansısa məsələyə, konkret həyati situasiyaya aid olanda şagird cavabı tapa bilmir. Hazırda riyaziyyat fənninin məzmunu şagirdə həyati məsələlərlə riyazi termin və formulları öyrətmək üzərində qurulur”, - deyə V.Yaqublu əlavə edib.
Təhsil eksperti Elçin Əfəndi Demokrat.az-a açıqlamasında deyib ki, nazirlik tərəfindən müvafiq olaraq dərsliklərə dəyişikliklər edilir:
![](https://demokrat.az/cdn/uploadedfiles/custom/2022/8/13/1/ff69675d-2670-411d-a75a-734653e3bdfb/elcin-efendi.jpg)
“İki ildən bir bu dəyişikliklər olur. İlkin olaraq pilot layihə kimi təqdim olunur, baxılır və hər şey qaydasındadırsa, dərslik nəşr olunur. Dərsliklərin hazırlanması ilə bağlı Nazirlər Kabinetinin müvafiq qərarına əsasən müəyyən şərtlər var. İnformasiya yığcam, dəqiq olmalıdır, elmiliyi olmalıdır və uşaqların istifadəsinə uyğun olmalıdır. Coğrafiya, kimya, fizika, biologiya dərsliklərinə edilən dəyişikliklər Sinqapur modelinə əsaslanır. Burada məqsəd ondan ibarətdir ki, şagirdlər əldə etdikləri bilik və bacarıqları daha çevik formada tətbiq edə bilsinlər. Bu vaxta qədər dərsliklərdə nəzəri hissə üstünlük təşkil edirdisə, indi nəzəriyyə qısa və lakonik şəkildə təqdim olunacaq, fənlərin tədrisi daha çox təcrübəyə söykənəcək.Düşünürəm ki, bu, müsbət qiymətləndirilməlidir. Şagirdlər mövzuları daha yaxşı mənimsəyə və öyrəndiklərini tətbiq edə biləcəklər”.
Törə Zeynallı
Demokrat.az
Bütün xəbərləri reklamsız oxumaq üçün
Günlük ölkədə baş verən xəbərləri bizdən izlə.
10Mənbələr
-
azadmedia.azİbrahim Cəfərov: “Azərbaycan dilinin dövlət dili olaraq işlədilməsi müstəqil dövlətçiliyinin başlıca əlamətlərindən biridir” » AzadMedia.az ( 9376314)
-
azadmedia.azİbrahim Cəfərov: “Azərbaycan dilinin dövlət dili olaraq işlədilməsi müstəqil dövlətçiliyinin başlıca əlamətlərindən biridir” » AzadMedia.az ( 9371224)
-
ikisahil.azAna dilinin həyatımızın bütün sahələrində müfəssəl tətbiqi gerçəkləşib ( 9331098)
-
ikisahil.azAzərbaycan dilinin inkişafında yeni mərhələ ( 9330051)
-
sesqazeti.azUlu Öndərin Azərbaycan dilinin inkişafında müstəsna xidmətləri var ŞƏRH ( 9321114)
-
aia.azUlu Öndər Heydər Əliyevin Azərbaycan dilinin qorunmasında və inkişafında müstəsna xidmətləri ( 9320043)
-
xalqcebhesi.azDövlət dili statusu ( 9298719)
-
sesqazeti.azAzərbaycan dili xalqımızın milli -mənəvi sərvətidir ŞƏRH ( 9275026)
-
sesqazeti.az1 Avqust - Azərbaycan əlifbası və Azərbaycan Dili Günüdür ŞƏRH ( 9229429)
-
aia.az1 Avqust - Azərbaycan əlifbası və Azərbaycan dili günüdür ( 9226966)