Xüsusi mühafizə olunan təbiət ərazilərinin tanıdılması məqsədilə mütəmadi olaraq maarifləndirici tədbirlər keçirilir.

Keçən həftə ərzində Zaqatala Dövlət Təbiət Qoruğunun əməkdaşları tərəfindən Akademik Zərifə Əliyeva adına liseydə, Şıxəli Qurbanov adına 3 nömrəli orta məktəbdə, Qarayazı Dövlət Təbiət Qoruğunun əməkdaşları tərəfindən isə Qaçaq Kərəm və Muğanlı kənd məktəblərində maarifləndirici görüşlər keçirilib.

Eyni zamanda, Lənkəran rayon Balıqçılar kənd orta məktəbinin müəllim və şagird heyəti Qızılağac Milli Parkına, İsmayıllı Dövlət Humanitar və Texnologiya kollecinin, İsmayıllı Peşə Təhsil Mərkəzinin tələbələri isə Şahdağ Milli Parkına səfər edib, xüsusi mühafizə olunan təbiət əraziləri barədə məlumatlandırılıb.

Qış mövsümündə ölkə ərazisində yerləşən digər milli parklara da ziyarətçilər səfər etmiş, təbiət gözəlliklərindən zövq almışlar. Hər kəsi öz asudə vaxtlarını füsunkar təbiət ərazilərində keçirməyə dəvət edirik. Ekologiya.az