Qarabağ separatçılarının keçmiş rəhbəri Samvel Şahramanyan öz aktuallığını saxlamaq və acınacaqlı mövcudluğuna haqq qazandırmaq üçün erməni miflərini yenidən fantaziya janrına çevirmək qərarına gəlib.
Redaktor.az "caliber"ə istinadən xəbər verir ki, Şahramanyanın müraciətində deyilib:
"Vətənimizə qayıda biləcəyimizə böyük ümidlər bəsləyirik. "Dağlıq Qarabağ"a hansı statusda və necə qayıtmaq məsələsi daim gündəmimizdədir. Bu problemi həll etmək üçün “Dağlıq Qarabağ parlamenti” Ermənistan Xarici İşlər Nazirliyinin keçmiş rəhbəri Vardan Oskanyanın rəhbərlik etdiyi komitə yaradıb. Biz vaxtaşırı görüşür və mümkün qayıdışla bağlı məsələləri müzakirə edirik".
Şahramanyan həmçinin bildirib ki, komitənin ləğvi ilə bağlı sənədin hüquqi qüvvəsi yoxdur.
Sevinc İBRAHİMZADƏ
