Ellison Putinin ailəsinin “kiçik üzvlərinin” çincə sərbəst danışması ilə bağlı son açıqlamasını xatırladıb. Onun fikrincə, bu sözlər təsadüfi deyil, çünki Kreml hökmdarı ailəsi haqqında nadir hallarda danışır...
"Çinin Rusiya Federasiyasına hücum etməsi üçün heç vaxt bundan daha yaxşı məqam ola bilməz. İndi Rusiyanın Vladivostokunu ancaq “iki kişi və bir it”dən savayı qoruyan yoxdur".
Moderator.az "UNİAN"-a istinadla xəbər verir ki, bu fikri jurnalist Corc Ellison “The Telegraph” üçün yazdığı məqalədə qeyd edib. O hesab edir ki, Çin üçün Rusiya ərazisinin böyük hissəsini ələ keçirmək Tayvanı işğal etməkdən daha asandır. Moskva çətin ki, güclü cavab verə bilsin, çünki onun qoşunlarının əksəriyyəti Ukraynadadır.
Genişmiqyaslı müharibədən əvvəl Rusiya ordusunda 4780-ə yaxın artilleriya qurğusu, 2060 tank və 7080 piyada döyüş maşını var idi. Eyni zamanda, ÇXR-in 3000-dən çox özüyeriyən və 900 yedəkli silahı, 4700 döyüş və 1250 yüngül tankı, 1200 hücum silahı, 8000-dən çox piyada döyüş maşını və 3600 zirehli transportyoru var.
Bundan əlavə, Çin Xalq Azadlıq Ordusunun Quru Qoşunlarının sayı təqribən 965.000, rusiyanınkı isə təxminən 550.000 əsgəri var.
Pekin dünyanı həyəcanlandıracaq sürətlə təkbaşına döyüş gəmiləri istehsal edir. Ellison yeni "J-20" qırıcısını Çin və Rusiya arasındakı texnoloji uçurumun simvolu adlandırır.
“Çin, yəqin ki, Tayvana mürəkkəb hava-dəniz hücumuna hazır deyil, onun arxasında güclü ABŞ var, lakin onun Rusiyaya quru işğalı həyata keçirməkdə heç bir çətinliyi olmayacaq”, – jurnalist qeyd edir.
Rusiya Sakit Okean Donanmasının qərargahının yerləşdiyi Vladivostok uzun müddətdir ki, ölkələr arasında mübahisə obyektinə çevrilib. Bu əraziyə nəzarət Çinin Sakit Okeanda mövqeyini gücləndirə və gəmiçilik marşrutlarına çıxışı yaxşılaşdıra bilər.
Ellison Putinin ailəsinin “kiçik üzvlərinin” çincə sərbəst danışması ilə bağlı son açıqlamasını xatırladıb. Onun fikrincə, bu sözlər təsadüfi deyil, çünki Kreml hökmdarı ailəsi haqqında nadir hallarda danışır.
“Bəlkə Putin bu münasibətlərdə küləyin hansı tərəfə əsdiyini anlamağa başlayır?
Bu, dəyişən mənzərənin, yəni bir vaxtlar qlobal supergüc olan Rusiyanın getdikcə daha çox Çinin kiçik tərəfdaşı rolunu oynamasının incə, lakin aydın göstəricisidir.
Ola bilsin ki, “kiçik Putinlər” sadəcə olaraq yeni reallığa digərlərindən daha tez uyğunlaşırlar”, - deyə jurnalist əlavə edib.
Çinin Rusiyaya hücumu
Xatırladaq ki, bu yaxınlarda Tayvan prezidenti Lai Çinq To Çinə Rusiya Federasiyasının tərkibində olan torpaqları qaytarmağı “təklif etmişdi”.
Onun sözlərinə görə, Rusiya indi ən zəif vəziyyətindədir, lakin Pekin bu əraziləri özü üçün almaq istəyini ifadə etmir.
Bu onu göstərir ki, Tayvanın işğalı ərazi bütövlüyünü bərpa etmək məqsədi daşımayacaq, Çin To əlavə edib.
